【職場技巧】工作嚴重犯錯忌私下極速解決6個程序助拆彈減傷害

相信大家都試過，發現做錯事當刻一定心情沉重兼難以置信，個心係咁跳之餘仲不斷問自己「點解會咁？點會我會做錯呢件事？而家點收科？」無論係Send. 港聞中國娛樂生活即時最Hit國際科技體育經濟觀點健康好食玩飛女生熱話藝文格物社區教育更多服務登入港聞中國娛樂生活即時最Hit國際科技體育經濟觀點健康好食玩飛女生熱話藝文格物社區教育港聞社會新聞突發政情偵查教育新聞影片深度香港經濟天氣中國台海危機即時中國大國小事藝文中國中國觀察台灣新聞娛樂即時娛樂電影娛樂影片眾樂迷MIRROR聲夢傳奇高清相片下載生活教煮親子01TV寵物教育職場好生活網購攻略國際台海危機即時國際環球趣聞國際分析世界專題紀實影像科技實用教學數碼生活遊戲動漫攝影專區體育即時體育跑步Jumper武備志動感影像經濟財經快訊宏觀解讀地產樓市專題人訪觀點社論01觀點政策評析治政之道國家與香港世界變局論壇健康健康Easy醫師Easy醫美Easy銀髮族好食玩飛食玩買旅遊玩樂影片活動好去處女生知性女生穿搭筆記談情說性美容手帳熱話熱爆話題開罐研數所影像熱話藝文格物一物形而藝文哲學第二身扭耳仔攝影界社區社區專題18區新聞隱形香港紀實影像教育中小學校園教育發展DSE專區專上教育海外升學深造進修請先登入享受更多會員獨家優惠及功能！登入新聞總覽港聞中國娛樂生活即時最Hit國際科技體育經濟觀點健康好食玩飛女生熱話藝文格物社區教育其他服務訂閱《香港01》周報生活職場【職場技巧】工作嚴重犯錯忌私下極速解決　6個程序助拆彈減傷害撰文：vanna.com出版：2020-07-1007:28更新：2021-01-0714:03相信大家都試過，發現做錯事當刻一定心情沉重兼難以置信，個心係咁跳之餘仲不斷問自己「點解會咁？點會我會做錯呢件事？而家點收科？」無論係Send錯Email俾客，報價時報得太低，定睇錯合約條款搞到公司蝕大錢，以上種種其實都可以歸類為「人為過失」，時不時都會發生。

雖然一旦做錯就無得返轉頭，但即時採取行動一定會減輕後果。

有人第一時間想收收埋埋博大霧、卸責、逃避責任或者扮唔知，但都只係權宜之計，長遠來講無法解決問題。

冷靜啲，不如睇下有咩拆解方法。

即睇工作犯大錯時6個拆解方法（點圖瀏覽）↓↓↓+121.避免不動聲色極速解決犯錯嘅嚴重性可大可小，就算想趁無人知快速解決，呢個方法都未必可以套用到所有問題。

何況面對突發情況已經急到一頭煙，要理智作出決定可謂難上加難。

更明智嘅做法係嘗試抽時間，策劃適切有效嘅回應。

我地明白無人想醜事傳千里，但建議最少向上司彙報，儘可能開誠佈公解釋來龍去脈。

係呀，佢地可能會好激氣，不過佢地帶黎嘅見解分分鐘抵消你所受嘅氣。

有需要嘅話就搬「人總會犯錯」出黎擋駕，大多數經理都係過來人，總會明白的。

2.承擔責任，承認過失用各種方法逃避責任根本避唔到一世，既然已經犯錯，就算只佔小部分責任都要企出黎承擔過失同道歉。

假如造成嘅破壞麻煩到好多人，就要向每位受影響人士道歉，可以嘅話最好親自道歉添，充分發揮誠意，令對方覺得貼地，甚至切身處地作出回應，不至於令你太尷尬。

呢個時候最忌胡思亂想，要冷靜落黎睇清狀況，明白到發生錯誤實屬無心之失，而家重點係儘快撥亂反正。

3.為多方考慮當然唔係指胡思亂想、杞人憂天到胃痛，而係考慮到各個方面，以求照顧到唔同情況。

呢一刻係解決問題嘅時候，最理想係預計最好同最壞嘅結果。

你要思考各種可以達到最佳結果嘅方式，同時要諗好每個做法，避免導向最壞結果。

前文都講過身處突發情況時思路未必清晰，試下搵埋經理或者相關同事傾下，可能有幫助之餘仲俾到其他睇法你。

相關文章：踏入30歲再沒天真權利？　5大人生煩惱該學懂逆向面對｜自我管理+104.即時行動策劃出解決方法就要全速執行，係咪需要重新審視成個Project、同客戶開會認衰仔、定要即刻打俾律師？無論份工保唔保得住都唔好拖延時間。

可能你呢一刻努力制止自己崩潰，好懷疑、好憎自己，但都要收拾殘局，保持專業；最多解決之後再返屋企咬枕頭啦。

5.振作精神想理清思緒的話，可以暫時避開風頭。

犯錯後覺得尷尬並無問題，不過事發一日之後就好回復正常喇。

錯咗就錯咗，第二日可能有人錯得仲嚴重過你，令大家唔記得晒，所以要保持一份自尊。

一次錯誤不足以抵消一直以來嘅付出，更加唔可以抹殺你犯錯當日前嘅種種功勞。

最後不妨喺適當時機同同事傾返呢件事，笑一笑又係一條好漢。

6.吸取教訓唔使多講，當事件已經結束（而份工又保得住）就要反思當初點會發生，着力改善，以免重複犯錯。

同時要俾因你而受影響嘅人知道，你已經吸取教訓，唔會再出現同樣錯誤。

你會發現大多數人都肯原諒，畢竟教訓都係學習嘅一部分；但亦唔好因此鬆懈，要表現出自動自覺、銳意改善嘅態度。

【本文獲「vanna.com」授權轉載。

】相關文章：坐墊護脊椎、加熱杯墊方便潤喉　6大小物辦公室必備｜Office法寶+17【溝通技巧】5句說話隨時激到老細嘔血　表達意見應從3大技巧入手【轉工】搵工不被同事識穿5個重點　工作期間收面試來電要點做？功敗垂成全因豬隊友累事？　10個同事低級錯誤防不勝防｜職場文化【升職上位】上司是否值尊重？　願認錯不當你是機器用5點判斷【人際關係】同事閒談話題有禁忌　政見性生活等7事或成別人話柄【見工面試】性別歧視？師兄妹加分？6個HR常有偏見求職者難打破職場技巧職場交際職場文化Vanna.com職場你可能感興趣