六四事件- 維基百科，自由嘅百科全書

死亡人數：估計大約有200人到6,000人左右。

受傷人數：7,000人到10,000人左右。

六四事件 出自維基百科，自由嘅百科全書 跳去導覽 跳去搵嘢 請撳Wikipedia:翻譯/六四事件，去整翻譯請求。

(翻譯指引) 呢篇文夾雜北方中文，唔合乎粵語嘅用字、句式或者文法。

請改善。

如果想睇吓似粵語口語嘅文應該點寫，可以睇吓Wikipedia:正文同埋Wikipedia:好文入面貼堂嘅範例。

六四事件 八九民運嘅一部分 由北京中央美術學院製作嘅「民主女神」塑像，係1989年中國民主運動後期嘅象徵。

原件俾坦克[1]毀滅咗，喺溫哥華、三藩市等城市有複製品喺公共場所豎立。

日期 1989年4月15號至1989年6月4號 地點 最早喺中華人民共和國北京市嘅天安門廣場同埋長安街等地發起，隨後相關抗議活動擴展至中國各個大都市。

目標 特徵 喺各大市民廣場上絕食、靜坐或者宣告罷工。

結果 中國人民解放軍喺北京市開槍執行戒嚴，坦克開入天安門廣場，好多人傷亡，絕大部份係人民，重有少數軍人。

香港150萬人遊行聲援學生，泛民主派同中共決裂，每年舉辦維園六四燭光晚會 衝突方 中華人民共和國：中國人民解放軍中國共產黨相關政府部門同官員 中國大陸各地大學學生部分知識份子工人市民其他海外支援民運嘅人士 指揮人士 鄧小平（中央軍委主席） 李鵬（國務院總理） 楊尚昆（國家主席） 陳雲（中顧委主任） 劉華清（軍委副秘書長） 李錫銘（北京市委書記） 陳希同（北京市市長） 吾爾開希 柴玲 王丹 封從德 侯德健 劉曉波 死亡人數：估計大約有200人到6,000人左右[2][3][4][5]。

受傷人數：7,000人到10,000人左右[6][7]。

六四事件（粵拼：luk6sei3si6gin6*2）係中國八九民主運動嘅結局，指1989年6月4號，中國共產黨派中國人民解放軍武力鎮壓北京天安門學生運動。

六四事件又叫六四、六四風波（luk6sei3fung1bo1）、天安門事件tin1on1mun4si6gin6*2，民運人士就叫六四屠殺（luk6sei3tou4saat3）、天安門屠殺tin1on1mun4tou4saat3。

因為有中華人民共和國網絡審查，中國大陸網民亦詼諧噉稱之為八平方事件baat3ping4fong1si6gin6*2。

目錄 1八九民主運動 2經過 3死亡人數 4世界各地嘅情況 4.1亞洲 4.1.1日本 4.2北美 4.2.1美國 5其他國家及組織嘅聲明同制裁 5.1對香港嘅影響 6平反八九民運嘅有關內容 7事後世界各地嘅有關活動 7.1支聯會 8對六四屠殺嘅否認同讚許 9睇埋 10參考 11出面網頁 八九民主運動[編輯] 內文：八九民運 八九民主運動係1989年4月15號至6月4號間同埋其後一場發生喺中國大陸嘅政治事件，以大規模嘅學生、民眾嘅遊行同埋示威運動開始，但係學生團體同政府之間喺交涉中未能達成共識同埋政治妥協，最後以政府召集軍隊武力鎮壓造成好多（具體數字唔詳細，有由幾百到千幾嘅版本）市民同學生死傷而告終。

一般認為事件嘅中心係北京嘅天安門廣場，同埋上海等好多城市都喺呢一期間進行咗表達各種政治主張嘅示威遊行。

一般政治評論家認為呢次事件導致咗自1978年改革開放之後中華人民共和國嘅政治改革步伐嘅停步甚至係倒退。

而事件中嘅眾多爭論時至今日都重未解決。

受中國大陸用法影響，「六四事件」一詞有時亦用來錯誤噉表示成場八九民運。

經過[編輯] 六四有解放軍鎮壓，不過以前四五運動冇正規軍清場。

當時共軍備有56式自動步槍（上）或AKS-47（下），直接射向人問題存爭議。

但有平民遭實彈擊中。

其中AK-47突擊步槍有效射程可達400米，射頻係每分鐘600發子彈。

當達姆彈打入人體，重金屬制碎片會擴散。

《海牙公約》只禁止國際戰爭用，冇限內政用途，而中國就冇話放棄達姆彈。

解放軍醫蔣彥永認為，清場軍人有用到達姆彈射人。

中國人民解放軍戒嚴部隊用坦克同埋裝甲車開路，由東西兩面迫近北京天安門廣場，喺西長安街，群眾阻擋軍隊前進。

到咗凌晨兩點幾，軍隊已經包圍成個廣場，幾萬個學生聚喺廣場中間，同埋人民英雄紀念碑四周。

到咗凌晨四點，廣場燈光突然間熄晒，軍隊廣播清場命令，學生最後撤離廣場。

當局話戒嚴部隊到清晨五點幾完成清場。

有記錄片顯示（相信係清場期間），天安門廣場入面有人著軍服同手持長槍物（突擊步槍）走向人群，片中出現火光同槍聲後，人群反方向逃走，有人倒地。

另有照片同影片都顯示，好多平民身上有槍傷（或受傷）同流好多血，要其他人打橫抬走。

有影片顯示，有一架裝甲車開進廣場前橫過馬路，展倒馬路上圍欄。

另外，有好多六四照片顯示，現場有唔同物體或雜物曾受到重型車「覆帶」展過，地上留有一條肉體同血紅色印跡、雙輪單車等等。

事件後，有民運人士向媒體展示子彈彈頭，表示係當時受到共軍射擊後，經手術由體內取出「證據」。

然而，目前對事件具體經過仍然有好多唔同講法。

六四四君子之一嘅高新，1991年喺《華夏文摘》第七期寫低咗佢根據自己親身經歷，同埋事後同一部分當事人傾偈所得出嘅六四事件嘅經過[8]，爾個版本同目前中國官方，重有大部分民運團體（例如支聯會）所講嘅版本喺唔少關鍵嘅爭議事件上面有出入，但係就目前有網上流傳嘅現場錄影記錄到嘅地方去講，佢嘅描述同啲錄像無矛盾。

死亡人數[編輯] 一般認為死傷主要發生喺軍隊開去天安門途中（木樨地係其中一個發生較多死傷嘅地方）；關於天安門廣場內嘅死傷，就有唔同嘅講法。

柴玲6月8號嘅錄音話，「有人話同學死咗二百幾人，亦有人話成個廣場已經死咗四千幾。

具體嘅數字到而家我都唔知。

」中共政府發言人同軍隊嘅官員喺電視上否認6月4號天安門上死咗人。

但係當時嘅北京醫院都滿晒。

至今，中共政府都無公佈六四死亡人數同名單。

丁子霖教授個17歲嘅仔蔣捷連喺6月3號晚被槍殺，所以開始聯繫第啲死難者家屬，收集六四死難者名單。

2006年6月為止，由原本嘅155個，加到186個。

根據錄影帶同中國官方記載，戒嚴部隊開到天安門廣場時，廣場入面仍有幾千學生留守喺紀念碑附近唔肯走，被軍隊圍住，迫住解散。

劉曉波被拘捕後，喺中國中央電視台話：「見唔到軍隊向廣場上嘅學生開槍」（大意）。

針對柴玲嘅講法，一直喺天安門廣場留守到最後一刻嘅台灣歌手侯德健喺紀錄片《天安門》中講道：「事實重唔夠咩？點解要用大話對抗大話？」。

然而，丁子霖喺尋訪死難者時發現，清場過程中軍隊曾經向廣場內學生開槍重殺死咗學生，如中國人民大學學生程仁興，喺廣場中心嘅國旗桿下被戒嚴士兵亂槍打死；北京農業大學園藝系碩士研究生戴金平，喺紀念堂附近被槍殺。

不過到目前為止，未有來自可靠來源嘅錄像證實六月四號當日天安門廣場入面有屠殺行為。

據當時北京市長陳希同喺《關於制止動亂同平息反革命暴亂嘅情況報告》稱「在幾天的暴亂中」「戒嚴部隊戰士、武警戰士、公安干警負傷六千多人，死亡數十人」「有三千多名非軍人受傷，二百餘人死亡，包括三十六名大學生。

」中共控制嘅新聞媒體發表過有尐解放軍官兵被憤怒嘅群眾焚燒以後嘅錄像同照片。

死亡嘅軍人，後來被國務院同中央軍委授予「共和國衛士」嘅稱號，共十人，其中六人係喺長安街翠微路口轉彎時因車速過快而翻車，油箱擦地起火死亡。

海外媒體嘅報導則多稱死亡人數超過一千人，戒嚴部隊死咗十幾人。

多數北京市民同學生同獨立媒體對呢件事嘅報道為中國政府暴力鎮壓同屠殺和平示威嘅學生同市民，世界上都有媒體將之稱為「六四屠殺」或「天安門屠殺」。

中國政府則聲稱係「英勇嘅人民解放軍取得鎮壓反革命暴亂嘅偉大勝利」（見當時《人民日報》及《解放軍報》）。

世界各地嘅情況[編輯] 八九民運引起好多國家嘅注意。

亞洲[編輯] 日本[編輯] 六月六號起，日本三和銀行、大和銀行、住友銀行、日本生命保險公司、松下電器、西武百貨、三越公司等駐北京、上海、西安等地嘅辦事處人員被指示回國，當日有一千一百六十三名日本人回國。

六月七號，日本首相宇野喺眾議院全體會議上話：「喺中國嘅日本人有八千三百，今日已指示佢哋撤離。

」「中國嘅情況令人憂慮。

唔得將槍口對準國民。

」「要召見中國大使，正式轉達日本政府嘅嚴厲見解」。

下晝，外務省事務次官村田約見中國駐日大使楊振亞，聲明「對於造成流血慘案嘅中國政府行為，從人道上來說係唔允許嘅。

」同日，中國戒嚴部隊因向外交人員公寓開槍，三名日本使館人員住宅遭槍擊，日本駐華大使中島向中國外交部提出強烈抗議，當日有一千七百七十四名日本人離京。

同日，日本官房長官鹽川宣佈「為咗徹底保護喺中國嘅日本人，已向住喺北京嘅日本人發出咗避難勸告」，重表示實施兩項政策：「一、通過紅十字會提供藥品等緊急援助；二、延長喺日本嘅中國留學人員逗留日本嘅期限」。

北美[編輯] 北美地區嘅華人喺中國領事館遊行示威，支持學生運動。

美國[編輯] 開始時，呢件事未有引起美國新聞媒體嘅關注。

隨著事態嘅發展，美國媒體開始派佢地經驗豐富嘅電視新聞評論員，例如CBS嘅DanRather，ABC嘅PeterJennings等長期喺天安門，向美國觀眾隨時報道有關新聞。

六月六號，國務院新聞發言人瑪塔特懷勒喺新聞發佈會上宣佈：美國政府准許所有旅美嘅中華人民共和國國民喺佢簽證到期後繼續留喺美國，而唔改變佢嘅身份。

當時大約有四萬五千〇八個中華人民共和國國民出於各種唔同目的滯留喺美國。

六月七號，由於中國戒嚴部隊向外交人員公寓開槍，美國大使館下令外交人員家屬全部從北京撤離，一百二十五人離開中國。

八號，美國國務卿貝克話「中國嘅權力鬥爭正在進行，局勢極唔明朗，以致無法斷定係邊個執掌政府嘅權力」，重「呼籲所有喺中國嘅美國普通公民盡快離開嗰個國家」。

同號，紐約市長郭德華宣佈中止同北京嘅姊妹城市嘅關係，重建議市政委員會命名紐約市第四十二街同第十二大街嘅交叉路口為天安門廣場。

喺以後嘅日子，美國總統布殊又公佈咗一條法令，允許喺1990年4月前到美國嘅中國公民申請美國永久居留身份證。

令有啲無參加民運嘅中國公民因而獲得美國綠卡。

其他國家及組織嘅聲明同制裁[編輯] 喺波蘭弗羅茨瓦夫城嘅一座象徵呢場人民抗議事件嘅象徵性雕塑-被坦克壓扁嘅單車同坦克行進痕跡 六四後西方各國一致經濟制裁中國，但唔夠一年，考慮自身包括經濟利益，部分國家於1990年恢復同中國嘅接觸及正常經貿關係，不過，1989年之前嘅軍事合作被全面中止。

韓國 六月五號，外務部發表聲明，「關注事件」，重希望「局勢不致進一步惡化而能夠和平解決」。

星加坡 政府唔評論中國事態。

自五號起，數以千計嘅新加坡人紛紛去中國銀行擠提。

 中華民國 總統李登輝發表聲明：「為抗議中共用武力鎮壓大陸嘅民主運動，呼籲全世界所有愛好自由，重視人權嘅國家同人士，對中共暴行給予最嚴厲嘅譴責。

」對中國大陸同胞給予一切可能嘅支援，重同中共作徹底嘅決裂。

國防部喺嗰日下令「停休返防，迅速進入備戰部署」。

作為支援大陸民主運動嘅特別措施，公佈咗四項措施，其中有：向放棄中國護照嘅而又喺外國嘅中國留學生同學者發放中華民國護照；向呢啲留學生同學者提供學費同生活補助。

 英屬香港 六月五號清晨，中銀集團所屬嘅十三間分行門口排晒長龍，發生中銀集團成立以來最大嘅一次客戶擠提，當日提出款項五十億港元，創歷史新高。

呢次擠提令中銀集團元氣大傷，而呢次擠提亦係自1965年廣東信託銀行倒閉及恆生銀行擠提之後最嚴重嘅擠提事件。

葡屬澳門 總督文禮治發表聲明：「喺呢個時刻，我認為適宜發表嘅談話就係，使用武力對付手無寸鐵嘅群眾係唔可以接受嘅，而且唔係一項適當嘅措施。

」六月五號，喺中國銀行澳門分行同佢屬下嘅十六間支行門口，一早就排起咗長龍，發生自1950年成立以來第一次客戶擠提，當日提出款項3.3億港元。

對香港嘅影響[編輯] 對香港關係嚟講，由於香港對北京學生運動嘅支持，原本同中國政府同一陣線嘅民主派，喺六四事件發生後同中共分道揚鑣，香港民主黨前主席李柱銘、香港市民支援愛國民主運動聯合會（簡稱支聯會）主席司徒華及作家查良鏞（筆名金庸）都好嬲咁辭去咗香港特別行政區基本法起草委員會委員嘅職務。

噉亦埋下咗香港人同中國中央政府之間嘅不信任。

六四事件引發咗港人大規模嘅移民潮。

雖然1990年代初西方好多國家嘅經濟疲弱，令唔少香港人喺取得西方國家嘅護照之後又一度返香港定居，但隨住回歸後香港經濟急轉直下，呢啲人好多又再離開香港。

另一方面，呢批新移民所帶來嘅龐大現金儲備同稅收，亦為呢啲國家嘅經濟重新注入活力。

加拿大同澳洲都因為香港移民嘅資金而令經濟得以反彈，從而吸引更多來自東亞及東南亞地區，好似台灣、新加坡、馬來西亞、印尼及韓國嘅新移民。

喺六四事件發生後，香港教育界打算喺1989年6月7號發動全港師生遊行，藉以表達對六四事件嘅哀痛，後來香港教育署宣佈1989年6月7號全港學校停課一日，遊行告吹。

另一方面，當時香港民間發起咗一次超過一百萬香港市民參與嘅支持北京學生運動嘅六四遊行，係香港開埠以來最大型嘅政治活動，自此開啟咗香港市民參與政治嘅意識，標誌住香港公民社會嘅開始。

此後每年六四週年香港都會喺維多利亞公園舉辦紀念六四遇難者嘅燭光晚會，同時出現咗好多大大小小嘅政治遊行爭取政治上嘅發聲。

其中兩次最重要嘅大型遊行，分別係2003年7月1號嘅反對香港基本法第二十三條同要求行政長官董建華落台嘅香港七一遊行，主辦單位話有50萬香港市民參與；以及2005年12月4號爭取普選立法會同行政長官嘅政治遊行，主辦單位話有25萬香港市民參與。

由六四開始，乃至七一同一二四等，三次政治遊行係香港政治史上嘅里程碑。

為防止香港市民「借集會來攻擊中央」，港澳工委曾多次發動屬下嘅左派公會，預先訂下維園嘅各個足球場進行活動，以圖阻撓紀念嘅進行，但都唔成功。

另一方面，由於中共喺承諾唔會對學生「秋後算帳」之後，竟然採取比「秋後算帳」更嚴厲嘅血腥鎮壓，令香港人對中共採取不信任態度嘅人亦愈來愈多，深怕今時今日嘅承諾，第日對方會反口。

平反八九民運嘅有關內容[編輯] 正如台灣嘅二二八事件，雖然發生喺好耐之前，最後都獲得平反。

好多人無論係喺中國大陸，定係海外各地，都希望中國共產黨能夠平反六四。

中國官方對事件嘅講法經過由「暴亂」到「動亂」最後到「風波」嘅轉變。

更加中立而為外界所接受嘅講法可能係「六四事件」。

大陸網絡而家封鎖咗一切關於六四嘅報導，似乎六四從來都冇發生過咁。

可以睇出，中國共產黨對呢件事嘅睇法又再出現變化。

中國國民黨前主席馬英九喺2005年，就堅持[9]。

事後世界各地嘅有關活動[編輯] 內文：六四事件紀念活動 中國政府嚴打後續活動，好多好似天安門母親都要地下進行，或出席境外活動。

而香港就由主要支持者支聯會每年搞紀念會，但近年受到挑戰。

2013年開始，維多利亞公園以外地方出現好多晚會，例如本土派搞尖沙咀晚會。

[10]另外，親共激進派好多批評聲音，當中有李偲嫣帶領藍絲聯合社團「六四真相」宣稱，「六四當中無人死」同「見唔到有人中槍死」。

2014年六四25週年前夕，支聯會活動參加者遭到路人指罵，甚至追打。

支聯會[編輯] 香港每年都有支聯會平反六四紀念晚會活動，紀念六四死難者。

2003年，約五萬名香港人參加十四週年燭光集會，悼念事件同時反對基本法第二十三條立法。

大會新嘅主題係「反對23，毋忘六四」當年晚會新。

有以往無出席集會嘅香港人，都破例參加。

2004年，約八萬幾人參加維多利亞公園舉行嘅六四十五週年紀念晚會。

係1993年以來人數最多嘅一次。

上百名"自由行"嘅大陸民眾喺香港參加被中國禁止嘅"六四"紀念活動，創下歷年嘅最高紀錄。

2005年六四事件十六週年，支聯會晚上八時喺維園舉行燭光晚會，晚會開始後冇耐，到場嘅市民坐滿四個足球場。

主題係以史為鑒，平反六四。

2006年六四燭光晚會，仍然有四萬四千人參加，參加人數同往年差唔多。

支聯會近年嘅口號係：「教育新一代，接好民主棒」。

根據香港大學民意計劃，喺上週四所公佈嘅六四民調結果，喺六四事件過咗十七年後，仍然有53%嘅市民認為當年北京學生做法正確。

有56%嘅市民，依然認為北京當局要平反八九民運。

2012年，香港舉辦紀念六四遇難者嘅燭光晚會人數高達18萬人，係歷年最多人參與。

對六四屠殺嘅否認同讚許[編輯] 內文：對六四屠殺嘅否認同讚許 由事件發生到而家，唔少親中派人士都曾經發表對「六四屠殺」持否認睇法嘅言論，或者會認同中共當時嘅處理手法。

睇埋[編輯] 2021年英國女王因病去世謠言：2021年英國駐華使館紀念事件，引發中國內地一啲網民散播謠言嘅事件 香港紀念六四標誌被強行移除事件 參考[編輯] ↑六四紀念館血染的歷史互聯網檔案館嘅歸檔，歸檔日期2012年5月8號，.--香港市民支援愛國民主運動聯合會[2012年2月28號] ↑愛德華·提波雷克（EdwardTimperlake）同威廉·崔普雷二世（WilliamC.TriplettII）(1999年10月1日).zh-TW&sa=X&ei=CCvkT9XTHuz1mAWq6fiNCw&redir_esc=y#v=onepage&q&f=falseRedDragonRising:CommunistChina'sMilitaryThreattoAmerica(英文).美國華盛頓:RegneryPublishing.ISBN 978-0895262585.喺2012年2月28日查閱搵到.{{citebook}}:Check|url=value(help) ↑HowManyReallyDied?TiananmenSquareFatalities互聯網檔案館嘅歸檔，歸檔日期2013年8月14號，..《時代》.1990年6月4日[2012年2月28日查閱]（英文）. ↑表一、北京十三家醫院傷亡統計互聯網檔案館嘅歸檔，歸檔日期2011年8月16號，..六四檔案[2012年2月28日查閱].（繁體中文-香港） ↑html/victims155.htm六四死難者名單互聯網檔案館嘅歸檔，歸檔日期2007年1月20號，..六四檔案.2006年6月[2012年2月28日查閱].（繁體中文-香港） ↑美國國會.Sino-Americanrelations:oneyearafterthemassacreatTiananmenSquare.美國華盛頓:UnitedStatesGovernmentPrintingOffice.1991年[2012年2月28日查閱]（英文）. ↑陳希同.關於制止動亂和平息反革命暴亂的情況報告互聯網檔案館嘅歸檔，歸檔日期2012年3月26號，..全國人民代表大會.1989年6月30日[2012年2月28日查閱].（大陸簡體） ↑高新(1991年5月)."「六三」之夜，誰開槍？".華夏文摘(第七期).，另外可以睇博訊blog嘅轉載 ↑六四不翻案，統一不能談互聯網檔案館嘅歸檔，歸檔日期2005年11月25號，.聯合早報 ↑【六四29】團體尖沙嘴另起爐灶外國人：香港應該繼續堅持互聯網檔案館嘅歸檔，歸檔日期2020年3月15號，.蘋果日報，2018年06月04號 出面網頁[編輯] 六四備忘錄 六四死難者名單 江澤民為何在「六四」當上總書記──欽本立/陳至立/《世界經濟導報》 六四民運志 天安門 天安門電影 前線：天安門 時代週刊-"王維林" 《中國「六四」真相》 六四民運 TheU.S."TiananmenPapers" 悲壯嘅民運 血洗京華實錄 天安門母親 歷史嘅傷痕-勿忘「六四」 「六四」十七週年專輯自由亞洲電台 2006聚焦香港：勿忘六四 《江澤民其人》五：封導報六四屠城 馬英九堅持「六四要翻案」 youtube.com六四新聞，歌曲片段 youtube.com六四民運新聞採訪片段 台灣歌星1989年創作嘅歌曲-歷史的傷口 未解決錄像 ‹六四睇真Ｄ›填充歷史的空白-大話精逐個捉 睇傾改1989年東歐劇變同共產主義政權倒台內部背景 停滯時代（英文：EraofStagnation） 共產主義 反共主義 對共產主義嘅批評 東方集團 東方集團嘅經濟 東方集團嘅政治（英文：EasternBlocpolitics） 東方集團嘅信息宣傳（英文：EasternBlocinformationdissemination） 東方集團移民同埋倒戈（英文：EasternBlocemigrationanddefection） 克格勃 幹部職務名稱表 短缺經濟 極權主義 東歐反共叛亂或抵抗運動（英文：EasternEuropeanAnti-CommunistInsurgencies） 國際背景 積極措施（英文：Activemeasures） 冷戰 社會主義國一覽 蘇聯解體嘅預言 里根主義 蘇維埃帝國（英文：SovietEmpire） 恐怖主義同埋蘇聯 教廷同蘇聯關係（英文：HolySee–SovietUnionrelations） 華約入侵捷克斯洛伐克（英文：WarsawPactinvasionofCzechoslovakia） 變革嘗試 中國特色社會主義 蘇聯經濟改革 蘇聯開放政策 蘇聯嘅民主化（英文：Demokratizatsiya(SovietUnion)） 辛納屈主義（英文：SinatraDoctrine） 革新開放（英文：ĐổiMới） 各地進程中歐/東歐 阿爾巴尼亞（英文：FallofcommunisminAlbania） 保加利亞 捷克斯洛伐克 東德 匈牙利（英文：EndofCommunisminHungary(1989)） 波蘭 羅馬尼亞 南斯拉夫解體 蘇聯 蘇聯解體 亞美尼亞（英文：Armenianindependencereferendum,1991） 阿塞拜疆（英文：Azerbaijaniindependencereferendum,1991） 白俄羅斯（英文：HistoryofBelarus） 車臣 歌唱革命（愛沙尼亞、拉脫維亞、立陶宛） 格魯吉亞（英文：Georgianindependencereferendum,1991） 哈薩克 吉爾吉斯 摩​​爾多瓦（英文：IndependenceofMoldova） 俄羅斯 塔吉克 土庫曼（英文：Turkmenistaniindependencereferendum,1991） 烏克蘭 烏茲別克 其它 阿富汗（英文：CivilwarinAfghanistan(1989–1992)） 安哥拉 貝寧 柬埔寨 剛果（布） 埃塞俄比亞（英文：EthiopianCivilWar） 蒙古（英文：MongolianRevolutionof1990） 莫三鼻給 索馬利亞（英文：SomaliRebellion） 也門 個別事件 1988年波蘭罷工（英文：1988Polishstrikes） 4月9日悲劇（英文：April9tragedy） 黑色一月大屠殺 波羅的海之路 去除奧地利及匈牙利邊境柵欄（英文：RemovalofHungary'sborderfence） 波蘭圓桌會議（英文：PolishRoundTableAgreement） 匈牙利圓桌會談（英文：HungarianRoundTableTalks） 六四天安門事件 泛歐野餐 星期一示威（德文：Montagsdemonstrationen1989/1990inderDDR） 亞歷山大廣場抗議（英文：Alexanderplatzdemonstration） 馬爾他峰會（英文：MaltaSummit） 兩德統一 立陶宛一月事件（英文：JanuaryEvents(Lithuania)） 拉脫維亞一月事件（英文：TheBarricades） 1991年3月貝爾格萊德抗議（英文：March1991protestsinBelgrade） 八月政變 政權領導人 拉米茲·阿利雅（阿爾巴尼亞） 壽西斯古（羅馬尼亞） 戈巴契夫（蘇聯） 卡羅利·格羅斯（英文：KárolyGrósz）（匈牙利） 埃里希·昂納克（英文：ErichHonecker）（東德） 卡達爾·亞諾什（英文：JánosKádár）（匈牙利） 米洛什·雅克什（英文：MilošJakeš）（捷克） 埃貢·克倫茨（東德） 沃依切赫·雅魯澤爾斯基（英文：WojciechJaruzelski）（波蘭） 米洛舍維奇（南斯拉夫） 馬蒂厄·克雷庫（貝寧） 海爾·馬裡亞姆·門格斯圖（埃塞俄比亞） 德尼·薩蘇-恩格索（剛果共和國） 韓桑林（柬埔寨） 鄧小平（中華人民共和國） 托多爾·日夫科夫（保加利亞） 穆罕默德·西亞德·巴雷（索馬利亞） 反對方式 公民抵抗 示威 人鏈 蘇聯錄音帶傳播（英文：Magnitizdat） 波蘭地下出版物（英文：Polishundergroundpress） 抗議 地下出版物 罷工 反對派領袖 華里沙（波蘭） 哈維爾（捷克） 亞歷山大·杜布切克（斯洛伐克） 揚·伊利埃斯庫（羅馬尼亞） 劉剛（中國） 吾爾開希 柴玲 王丹 封從德 高克（東德） 薩利·貝里沙（阿爾巴尼亞） 桑加蘇倫·卓力格（蒙古國） 弗拉基米爾·布科夫斯基（英文：VladimirBukovsky）（俄羅斯） 葉利欽 維亞切斯拉夫·車諾維爾（英文：ViacheslavChornovil）（波蘭） 藍茨伯基斯（英文：VytautasLandsbergis）（立陶宛） 帕茲尼雅克（英文：ZianonPazniak）（白俄羅斯） 哲柳·哲列夫（保加利亞） 梅萊斯·澤納維（埃塞俄比亞） 伊薩亞斯·阿費沃爾基（厄立特里亞） 反對派運動 北京高校學生自治聯合會 77憲章 新論壇 捷克公民論壇 阿爾巴尼亞民主黨 民主俄羅斯（英文：DemocraticRussia） 和平與人權行動（英文：InitiativeforPeaceandHumanRights） 立陶宛改革運動（英文：Sąjūdis） 和平革命（英文：PeacefulRevolution） 烏克蘭人民運動 團結工聯 拉脫維亞人民陣線（英文：PopularFrontofLatvia） 愛沙尼亞人民陣線（英文：PopularFrontofEstonia） 公眾反暴力（英文：PublicAgainstViolence） 白俄羅斯人民陣線（英文：BPFParty） 救國陣線（英文：NationalSalvationFront(Romania)）（羅馬尼亞） 民主力量聯盟 後續 顏色革命 去共化 淨化政策 民主化 經濟自由化 後蘇聯時期衝突（英文：Post-Sovietconflicts） 對蘇聯時代嘅懷念（英文：NostalgiafortheSovietUnion） 新蘇維埃主義（英文：Neo-So​​vietism） 新史達林主義（英文：Neo-Stalinism） 後共產主義 南斯拉夫戰爭 由「https://zh-yue.wikipedia.org/w/index.php?title=六四事件&oldid=1832465」收 屬於6類：CS1errors:URL譯緊嘅文章維基百科清理夾雜非粵文嘅文章八九民運武裝鎮壓屬於3隱類：Webarchive模wayback連結CS1英文語言來源(en)全部需要清理嘅文 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 粵語 外觀 閱改睇返紀錄 多啲 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲話 English中文 改拎