雲南最地道十個必食！ – 「背包行」體驗旅人

旅行日期: 2016/06/11 23:18. 雲南最地道十個 · 1.烤乳扇. 乳扇係產於大理洱源嘅奶制品，一種含水較少嘅乳白 · 2.喜洲粑粑 喜洲粑粑係歷史名城喜洲嘅一種特色小吃，以 ... 0 HitCountis33473. 旅行日期:2016/06/1123:18 雲南最地道十個必食！ 十個必食！排名不分先後~  1.烤乳扇 乳扇係產於大理洱源嘅奶制品，一種含水較少嘅乳白黄色薄片。

乳扇係將鮮牛奶煮滾後，再加三比一嘅食用酸，混合後再等凝結從而製成薄片。

薄片成型後，綁在細竿上曬乾就可以製成烤乳扇。

食後感：口感脆脆，可以自行選擇調味料，好特別嘅小食，值得一試！ 評分：7/10 2.喜洲粑粑喜洲粑粑係歷史名城喜洲嘅一種特色小吃，以喜洲白族傳統粑粑最為出名。

原料主要為麵粉，口味有甜同鹹兩種。

食後感：一定要熱食！放涼左就唔夠脆，味道就會差好多！可以選擇甜或鹹食，自己比較喜歡食甜，味道其實同蔥油餅有啲似。

評分：8/10 3.包漿豆腐 包漿豆腐嘅歷史可以追溯到清代中後期，係雲南十八怪之一，舌尖上的中國之前都有介紹過架！ 食後感：味道普通，可以選擇辣或唔辣，不過一般都食辣，所以唔食辣嘅話，記得提前講！本人就覺得十蚊人民幣食兩舊豆腐就唔太值～ 評分：6/10 4.雞豆涼粉 為什麼要叫雞豆涼粉？係因為雞豆就係製作涼粉嘅材料，而雞豆之所以叫雞豆，係因為豆嘅大小和雞嘅眼睛差不多。

食後感：口感好特別，滑滑地，味道好濃因為調味料好多，唔太食得辣嘅(好似我咁)，就一定一定要講聲小辣，因為小辣都可以好似食大辣咁架啦！ 評分：7/10 5.水性楊花 水性楊花產于雲南，四川瀘沽湖，生長在湖泊中。

黎到麗江，可以話所有小菜館都會有水性楊花呢碟菜，絕對係他們招牌菜之一。

食後感：外表十分普通，但味道的確唔錯，水性楊花分別有兩種煮法：炒或開水煮，兩種食法都各有特色。

評分：8.5/10  6.鮮花餅 鮮花餅係雲南特有嘅食用玫瑰花入料嘅酥饼，係雲南經典點心代表。

鮮花餅係最受歡迎手信，多數舖都有全國包郵，不過唔包香港(無奈)！鮮花餅有大約五種不同口味，玫瑰味係最地道嘅，要暖暖出爐果啲先係最好食。

食後感：味道好因各人喜好，我對玫瑰味就一般般，反而其他味道：紫薯，綠茶…呢啲比較喜歡。

評分:6.5/10   7.納西烤魚 食後感：魚肉有魚味，唔係廢話，用豆豉、辣椒同花生烤完嘅鯽魚真係保留左鮮魚嘅味道，又無咩腥味，唔錯！重點係個汁送飯一流，好開胃。

美中不足嘅地方係d魚骨好幼，食嘅時候要好小心。

評分：7.5/10 8.過橋米線 咁當然黎到雲南就一定要試下當地米線同香港所謂“正宗“嘅雲南米線有咩分別，雲南到處都可以見到有米線買嘅，但要食最正宗嘅米線，舖名會掛有“蒙自“兩字。

因為過橋米線係來自清朝時滇南蒙自市，已經有一百多年歷史。

推介店舖：老滇過橋米線 地址：官渡區永安路169號 食後感：雖然坐位唔係話好舒服，但佢價錢便宜，份量頗多，重點係佢真係幾好食，相比香港食嘅米線，呢度米線比較爽，味道較濃！ 評分：9/10 9.酸奶 呢度行幾步都會見到有酸奶賣，本地人都好喜歡飲，價錢又便宜，相比香港人喜歡拎住杯咖啡係手，呢度嘅人就喜歡拎住酸奶飲！酸奶呢度比較(杰)，同樣可以選擇多口味。

想再特別啲，可以選擇食炒酸奶，原理同炒雪糕一樣，放係一個涷鐵板上面，等到酸奶凝結就不停炒，唯一同炒雪糕唔同係炒酸奶最後會一塊塊食架！好特別！ 推介店舖：清秀瘋炒酸奶 地址：古城區五一街振興巷17-4號 食後感：香港買酸奶一杯都好貴，但呢度就平得多。

炒酸奶加上水果，超配搭，絕對係飯後嘅好甜品！ 評分：8.5/10 10.私房菜 去雲南你會發現有好多私房菜館，食物選擇都差唔多，所以其實佢地競爭好大，會經常係網上做優惠吸引更多客人。

所以想食平野 推介店舖：小段廚房(私房菜館) 地址：大理人民路12號 食後感：相比其他私房菜佢可能會貴少少，但的確係物超所值。

佢招牌菜就一定叫試嘅，桑椹老酸奶(誠意推介)，黃燜魚，梅香排骨，上湯波菜，茶香雞。

不過要睇着叫喔，因為佢每碟份量都幾多架！ 評分：9/10   背包客資料 責任旅人GAS GAS:GigiandSharon 旅途上，會遇見很多人與事，這正是我們喜歡旅行的原因。

去旅行，固然開心，但你有沒有想過在旅行的過程中會為當地居民和環境造成影響？ 雲南之旅，是我們送給自己的畢業禮物，但我們更希望透過此行，宣揚責任旅行的信息，減低日後旅客對雲南，甚至全中國和世界所造成的影響。

我們選擇了從雲南開始，一個令人嚮往的地方。

據說，那裡有不去便會遺憾一生的自然風光;據說，那裡有深厚的歷史文化和二十六個少數民族;據說，那裡有正宗的過橋米線。

看過無數雲南麗江的照片，聽過無數有關香格里拉的故事。

我們畢業了！我想，是時侯出發了。

這場旅行，我們會做個責任旅人並且宣揚責任旅行的信息；這場旅行，我們會以“明信片“易雲南文化;這場旅行，我們會與雲南大學旅遊學院的學生同遊麗江;這場旅行，我們更會與雲大旅院的學生一同上課，在麗江享受大學最後的美好時光。

地區:雲南  旅遊貼士: 網上留意下，因為當地餐館都好喜歡做優惠架！ 遊記分類: 城市地標 特色手信 識飲識食 地區分類:雲南 洗費: Tags:手信美食誠意推介食食得是福 发表评论取消回复 电子邮件地址不会被公开。

必填项已用*标注评论姓名* 电子邮件* 站点 ThissiteusesAkismettoreducespam.Learnhowyourcommentdataisprocessed. 2016-06-03 GAS隊準備好出發啦！ 2016-06-06 [推介]大理-白族扎染體驗！ 2016-06-07 雲南民族村的好與壞 2016-06-08 旅途上的人與人 2016-06-09 兩地大學生的相遇 2016-06-10 扎西德勒! 2016-06-11 雲南最地道十個必食！ 2016-06-12 十個你可能不知道的雲南事 HelloHongKong! 2016-06-13 (夜深發感慨文)ToMyDearFriend… 背包達人 用歌聲認識中亞朋友 中國好笙音 中華菜鳥吃貨大戰俄菜