超治癒歌手入秋10大推介歌單！陳綺貞/宋冬野/張懸/房東的貓首 ...

陳綺貞/宋冬野/張懸/房東的貓首首溫暖唱入心坎！ ... 小編今次所介紹嘅歌手同歌曲多以國語音樂為主，平時中意聽國語歌嘅朋友不妨記低以下歌單，而且真 ... 您使用的瀏覽器版本較舊，已不再受支援。

建議您更新瀏覽器版本，以獲得最佳使用體驗。

11月入秋，秋意濃時相信大家都會喜歡懶洋洋感覺。

步入秋天特別適合聽治癒型嘅歌曲，聽落去非常舒服，啱曬多愁善感嘅秋天，令人心境平靜。

其實除咗較為出名嘅歌手外，仲有好多比較少人知嘅民謠歌手，當中嘅歌曲都非常好聽！小編今次所介紹嘅歌手同歌曲多以國語音樂為主，平時中意聽國語歌嘅朋友不妨記低以下歌單，而且真係非常適合喺而家微微涼風，秋意濃濃嘅天氣聽啊，話唔定大家都會好中意呢！1.陳綺貞-《魚》台灣創作歌手陳綺貞嘅一把溫柔嗓子相信大家一啲都唔陌生啦，而且有好多歌都非常受歡迎，例如《太陽》、《華麗的冒險》、《流浪者之歌》，當中最為人熟悉嘅應該就係當年同五月天合唱嘅《私奔到月球》啦！陳綺貞喺香港可謂「文青」必聽歌手啊，之前仲會每年嚟香港舉辦一次音樂會㗎！要喺陳綺貞歌單中揀首秋天啱聽嘅歌，肯定非《魚》莫屬！《魚》呢首歌描寫有關魚嘅七秒記憶，而且魚可以活喺無邊無際嘅大海當中，唔受任何回憶、生活等束縛，對比人經常被身邊好多事情困擾，魚擁有絕對嘅自由，但當人有自由去選擇時，又可能會遇到徬徨、猶豫不決嘅情況。

《魚》呢首歌其實對「自由」一詞無真正嘅答案，但當大家面對人生、工作、愛情啊等事情上，要作出重大抉擇又正在痛苦掙扎時，不妨聽下陳綺貞嘅《魚》！「如果有一個懷抱，勇敢不計代價別讓我飛將我溫柔豢養」2.房東的貓-《美好事物》「房東的貓」喺嚟自中國2位90後少女組成嘅民謠樂團，包括負責彈結他嘅吳佩嶺而及主唱王心怡。

主唱一身溫柔斯文嘅打扮，再配上一頭短髮令人印象深刻，一開口唱歌嘅聲線亦同樣非常溫暖人心！房東的貓起初以翻唱宋冬野《斑馬，斑馬》被瘋傳而出名，但其實佢哋嘅原創歌都非常好聽㗎！今次為大家介紹房東的貓嘅《美好事物》，算係佢哋多首原創歌曲當中最多人聽過嘅一首，歌詞非常有詩意，描寫身邊嘅一事一物，帶出生活中所有小美好，聽落非常舒服！「要忘卻所有不愉快的片段把美好事物純真的走完」除咗《美好事物》外，仲有《如常》、《你是我最愚蠢的一次浪漫》、《等我們老了，就定居在重慶》都非常好聽㗎！而小編最近聽房東的貓翻唱鹿先森樂隊嘅《春風十里》，真係非常非常大推啊！3.魏如萱-《你啊你啊》台灣創作歌手魏如萱一把暖暖軟軟嘅聲線，真係融化咗唔少樂迷嘅心啊！魏如萱亦係喺台灣非常出名嘅歌手，而且喺香港都非常多粉絲㗎！喺IG擁有逾21萬粉絲嘅魏如萱，最近仲宣布第一胎已經出世，要成為人母啦！魏如萱好聽嘅歌曲同樣多的是，但講到最啱秋天聽嘅，應該係《你啊你啊》啦！《你啊你啊》結集咗國語同閩南語歌詞，好多歌迷一開頭聽都唔係幾明當中意思但非常洗腦，其實《你啊你啊》就係如歌詞般，非常純粹地表達一個「最平淡最簡單的日常」，歌詞當中的「咦、嗚、喔、耶」其實都係日常大家常講嘅字詞啊！「我最喜歡和你一起發生的是最平淡最簡單的日常面對面看著彼此咀嚼食物是最平靜最安心的時光」4.陳粒-《奇妙能力歌》陳粒未必人人都識，不過佢嘅歌絕對值得一聽啊！90後中國民謠歌手陳粒嘅呢首《奇妙能力歌》，其實係喺無簽公司、無製作團隊、無包裝之下，單人匹馬創作嘅，旋律非常清新，單單一支結他所創作出嘅音樂，至今已帶嚟220萬點擊次數！《奇妙能力歌》帶出一種「再多再強都得不到你」嘅揪心感，歌詞有趣之餘，亦同樣擁有豐富文學色彩！陳粒憑《奇妙能力歌》仲奪得第5屆阿比鹿音樂獎「最受歡迎民謠單曲」！「我擁有那麼多奇妙能力還是得不到你的心」5.岑寧兒-《追光者》如果大家有聽過林子祥《三人行》，就算唔識岑寧兒都絕對會聽過佢嘅歌聲！起初主要做和唱嘅岑寧兒，知名度絕對唔惹少㗎，曾經跟陳奕迅Eason四出作巡迴演唱，佢嘅天籟之音更獲Eason大讚，Esaon喺2010年演唱會仲特意比當時和音岑寧兒獨唱《TheEndOfTheWorld》，最尾自己唱哭之餘，仲感動到好多觀眾！岑寧兒其實係香港創作歌手，但多於台灣發展。

闊別6年之後，岑寧兒於今個月再次來港舉辦演唱會，聽過佢嘅音樂之後真係返唔到轉頭啊！大家聽下佢呢首《追光者》LIVE版就會明點解啦！「也許你不會為我停留那就讓我站在你的背後」除咗《追光者》，仲有《空隙》、《YouandI》、《如果我是一首歌》、《剎那的烏托邦》等，小編都十分推介啊！6.張懸-《關於我愛你》大部分認識陳綺貞嘅人，相信或多或少都會聽過「張懸」喱個名。

同樣為台灣創作歌手嘅張懸，起初所創作嘅歌大部分與社運、社會議題、自我想法等有關，自2015年舉辦小巨蛋演唱會後，宣布暫時離開樂壇，Facebook都改回本名「焦安溥」，埋頭寫文字做音樂，重拾真正嘅自己。

而3年後嘅今日，終於以「焦安溥」身分於Clockenflap再次同歌迷見面，當然備受注目啦，歌迷都為之而感動啊！張懸筆下嘅歌詞經常寫到像詩一樣優美，一段段藏着無數意思嘅歌詞，配上張懸溶化人心嘅聲音，實在令人着迷！而《關於我愛你》呢首歌，歌詞相當細膩深刻，話唔定可以令大家喺多愁善感嘅秋天，搵到人生嘅另一層體會！「在必須發現我們終將一無所有前至少你可以說我懂活著的最寂寞」7.宋冬野-《鴿子》「宋冬野」同樣都係一眾喜歡文藝嘅朋友為之熟悉嘅名字，就算無聽過佢嘅歌聲，總會知道世上存在一首歌叫《董小姐》。

中國民謠歌手宋冬野憑《董小姐》於2013年榮獲第13屆音樂風雲榜年度盛典中嘅「最佳民謠新人」，今年6月亦憑《郭源潮》獲得第29屆金曲獎最佳作詞人獎，所創作嘅歌非常有意思。

《董小姐》係宋冬野歌曲中最為人所共知嘅歌，而且小編都百聽不厭，但比《董小姐》更想推介嘅，反而係《鴿子》。

歌曲開首一陣鴿子聲，加上首句像讀白般帶起音樂，聽上去非常舒服寧靜，但背後其實埋藏巨大嘅憂傷。

《鴿子》一首歌係宋冬野用以紀念於1993年失去嘅一隻鴿子，父親瞞住佢將養嘅鴿子熬湯比客人，多年後呢件事仍掉到宋冬野心坎中不能磨滅，於是寫成《鴿子》一曲，溫柔地紀念那死去嘅鴿子。

「他們在別有用心的生活里翩翩舞蹈你將在我後半生的城市裏長生不老，鴿子啊我在你溫暖的路上」8.盧廣仲-《大人中》台灣歌手盧廣仲絕對係近期爆紅歌手啊，聽盧廣仲嘅歌絕對可以令人拋開煩惱！盧廣仲嘅曲風非常多元化，有活潑提神嘅《早安晨之美》、《一百種生活》、《我愛你》，又有溫暖抒情嘅《幾分之幾》、《好想要揮霍》、《不想去遠方》。

咁多首歌當中，小編強烈推介盧廣仲於退伍後復出嘅首張獨立單曲—《大人中》。

《大人中》是盧廣仲喺當兵後，發現好多人都話「要變成大人了」，有感而發創作而成嘅。

《大人中》係盧廣仲對「成長」一詞嘅理解，如果無法抗拒長大，大家又會想變成怎樣的一個大人呢？「遠方遠方哪裡才是遠方，原來愛人不在身邊就叫遠方」9.謝春花-《只道尋常》中國內地民謠歌手謝春花應該比較少人聽過佢嘅歌曲，係一位95後嘅唱作人，於2015年推出原創民謠單曲《這一天我什麼都不想幹》，正式進入樂壇，短短3年時間，已於今年8月獲亞洲新歌榜年度盛典中「最佳民謠歌手獎」，真係不容忽視啊！謝春花所創作呢首《只道尋常》，歌詞同樣滿滿詩意，着墨描寫在家中陽台所見嘅四季景色，表達對久別家人嘅思念。

相信大家經常聽到出自清代著名詞人納蘭性德嘅一句「人生若只如初見」，而「只道尋常」一詞原句其實為「當時只道是尋常」，同樣出自納蘭性德，雖然兩句本來自納蘭性德不同作品，但其後納蘭性德為已故妻子寫下一句「人生若只如初見，當時只道是尋常」，流傳至今。

「只道尋常」意解好多人事在遇到之時，未必有太大感觸或體會，怎至會認為理想當然，但離別或失去後再回味，才婉惜一切已失去，非常適合謝春花呢首歌。

「其實我並沒有太多期盼畢竟一生很短少有圓滿」10.趙雷-《無法長大》中國內地民謠歌手趙雷最令小編印象深刻嘅，係趙雷於中國內地節目《中國好歌曲》中演繹自創歌曲《畫》，獲評判劉歡怒讚歌詞寫得超美！的確，趙雷之所以受樂迷歡迎，或多或少係因為趙雷所寫歌詞帶出好多人嘅心聲，又或是一種難以言喻嘅感情，再加上趙雷一把老練嘅聲線，簡直唱到每個人嘅心坎，幾乎所有有經歷嘅人，都會因趙雷嘅歌而聽哭啊！一首《無法長大》，歌詞帶着一種不甘於因成長而磨掉棱角嘅掙扎，同時因為自己對成長嘅掙扎，而對另一半抱有歉意嘅感觸。

正在於成長路上迷惘嘅朋友，聽過後或能抒發出這種對現實無法釋懷嘅感覺吧！「既然無法長大那就不要學著別人去掙扎」唔知以上歌單啱唔啱大家心水呢？大家又有無咩心水歌曲推介比小編啊？圖片來源：陳綺貞官方網站、FB@房東的貓、FB@魏如萱waawei、微博@陳粒_、FB@YoyoSham岑寧兒、IG@anpu_herstorybook、安溥anpu-官方網站、微博@宋冬野、[email protected]、微博@謝春花、微博@趙雷ZText:HolidayEditorial（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebookinbox、或者sende-mail到[email protected]，直接將資料傳比小編）歡迎關注我們的Facebook與Instagram 查看原始文章 生活PressLogic-Holiday假期日誌PressLogic-Holiday假期日誌PressLogic-Holiday假期日誌 查看更多