避孕針中出

通常家計會會建議係月經週期頭7日內打針，原則上打完會立即有避孕效果。

有時也會建議就算月經頭7日內打完針，都可以考慮7日內發生性行為的時候都使用 ... 避孕針中出 SEX::有關性的 Happy 2020年12月21日11:59 #1 今日打完一個月一次嗰隻避孕針（第一次打），兩個鐘後已經俾男朋友中出，想問支針係唔係打完嗰下開始有效？ Ching_StickyRiceLove 2020年12月21日15:07 #2 想了解多少少資料先，你係喺家計會打針？同埋係咪月經期間打針？ 避孕針係通過注射人造荷爾蒙，抑制卵巢排卵、令子宮內膜產生變化，使受精卵難以著床；並增加子宮頸分泌物粘稠度，使精子難以穿過黏液進入子宮腔。

一個月一次嘅避孕針係混合荷爾蒙，有94－99%嘅避孕成功率。

不過除了不發生性行為外，其實現時都未有一種避孕方法有100%嘅避孕效果。

通常家計會會建議係月經週期頭7日內打針，原則上打完會立即有避孕效果。

有時也會建議就算月經頭7日內打完針，都可以考慮7日內發生性行為的時候都使用安全套，避免因為身體適應唔到藥物而影響避孕效果。

不過如果家計會醫生評估過你嘅身體狀況認為你適合用避孕針避孕嘅話，出現不良反應嘅可能性都比較低。

不過你第一次打針之後可能會出現一啲副作用，例如：體重增加、頭痛、頭暈、乳房脹痛等，短時間内會消失。

避孕針亦有機會影響經期，大概一至兩個週期後會穩定返。

而呢啲副作用都係因人而異嘅。

但都想提醒返你，如果下次再打針嘅時候，盡量避免係短時間内發生冇使用安全套嘅性行為。

而如果你係其他診所注射，而並非係月經頭7日內注射，咁注射後14日內如果要發生性行為的話都要使用安全套，因為身體需要時間去建立藥效。

如果你唔係月經頭7日嘅日子打咗針，今次性行為會有一定嘅懷孕風險。

如果你衡量完風險依然覺得擔心嘅，可以係72小時內去家計會或者有提供緊急避孕服務嘅診所見醫生，食緊急避孕藥。

但一定要同醫生講你有打過邊種避孕針，等醫生評估你係咪需要服用，同埋適合服用邊種緊急避孕藥。

如果你衡量完覺得唔想食緊急避孕藥，但又擔心會意外懷孕，你可以考慮自行驗孕。

購買驗孕棒，並依照說明書嘅指示去驗，性行為7日後已經有初步結果，而11日後或者預計月經嘅日子驗就會有較為準確嘅結果。