國際換日線- 維基百科，自由嘅百科全書

國際換日線（又叫做「國際日期變更線」）係條經線，用對向子午線（東經、西經180°）做基礎，再跟領海同島嶼範圍劃定。

由西向東跨過呢條線，日子要減返一日；由東向西跨 ... 國際換日線 出自維基百科，自由嘅百科全書 跳去導覽 跳去搵嘢 國際日期變更線 國際換日線（又叫做「國際日期變更線」[1]）係條經線，用對向子午線（東經、西經180°）做基礎，再跟領海同島嶼範圍劃定。

由西向東跨過呢條線，日子要減返一日；由東向西跨過呢條線，日子就要加返一日。

目錄 1名 1.1時區嘅確立 2結構 3變遷史 3.1菲律賓同班太平洋海島國 3.2沙俄帝國 3.3薩摩亞群島同托克勞 3.4東基里巴斯 3.5瓜佳蓮 4定義 5所謂「特殊時區」 6相關書籍 7睇埋 8註同攷 名[編輯] 國際換日線圖解 其實關於國際日期變更線嘅問題，歷史都出過唔少嘅拗數： 喺1519年——1522年，嗰時有位嗌麥哲倫嘅人搞環球航行，而航行日記就準確噉寫住日期，話喺1522年7月9號返到英國嘅，但實際嗰日係1522年7月10號。

結果過咗好耐，終於有人搵出係咩筍嘢。

係因為麥哲倫嘅船隊由東向西行嘅，而地球喺度唔停噉從西向東轉。

搞到白天船隊猛咁追住向西移嘅太陽，而晚黑船隊就匿埋出緊嚟嘅太陽公公。

搞到每日長咗分半鐘，而呢3日航行就啱好挾埋係24個鐘咁耐。

喺19世紀初嘅沙俄（而家係俄羅斯），住喺伊爾庫茨克附近嘅鎮仔度有位郵差喺9月1號朝早7點幾收到從芝加哥發過嚟嘅電報，但係佢發返轉頭就話成噉：「喺8月31號21點28分收到信……」。

噉就搞嘢喇，明明係9月1號發嘅電報，點解喺8月31號收到嘅？ 喺嗰時，佢哋嘅時差唔係凈用幾點嚟計、重計埋分秒添。

搞到好多人喺日常生活同工作入面，搞出咗成身蟻。

而同佢差唔多噉嘅嘢喺嗰時係成日出現嘅事。

時區嘅確立[編輯] 內文：時區同山霍啡明 喺1879年，有位加拿大嘅鐵路工程師——山霍啡明，就提出有關「時區」嘅嘢。

結果呢個喺1884年10月13號召開嘅國際經度會議通過咗。

為咗唔使喺地球入面搞個亂嗮龍嘅日期劃分出嚟，入面規定咗：原則上以東西經180°為地球上嘅「今日」同「尋日」嘅分界線，叫「國際日期變更線」。

嗰時重正式定咗全球統一計幾點嘅「時區系統」。

而時區系統重規定咗地球入面每過咗15°嘅經度就係一個時區（啫係太陽喺1個鐘入面行到幾快）。

結果呢個就將成個地球表面分開咗24個時區出嚟。

喺每條中央經線嘅東西兩邊7.5°範圍嘅冚唪唥地區入面，每個時區都按返佢嘅中央子午綫嚟計幾點（又叫中央子午綫地方平時）搞標準時。

結構[編輯] 喺格林尼治當地時間星期五凌晨4點嗰陣，全球當地嘅時間[註1]。

為咗避開一個國家同時出現2個日期嘅嘢，國際換日線唔係條直線，而係折線。

佢從北極點開始一直向南行，過楚科奇海、白令海峽、白令海同太平洋、一直去到南極洲嘅南極點為止。

而且日界線唔經過任何一個國家。

而呢條線嘅子夜時分就係地方時間嘅0點，就係日期嘅分界時間。

家陣國際換日線嘅轉彎位： 第1個轉彎位：白令海峽 第2個轉彎位：阿留申群島地區 第3個轉彎位：南太平洋一帶 變遷史[編輯] 早期西方國家話嘅「國際日期變更線」，呢版喺1888年西方國家成日搞錯，嗰時西屬菲律賓喺1845年之前喺國際日期變更線東邊，而阿拉斯加喺1867年先至畫上去。

菲律賓同班太平洋海島國[編輯] 其實最早嘅國際日期變更線，喺新西班牙（1521～1821）殖民地期間，國際日期變更線從北極點出發一直向南，過咗白令海峽之後喺白令海西邊近琴察加半島東邊冇幾遠嘅海上行，一直向西南行，重要經過足利幕府（而家屬日本）東南，去到南海近石星石塘（而家係中沙群島）一帶嚟直角轉彎兜向東南，穿過蘇祿海中間，過嗮菲律賓都督府（而家係菲律賓）棉蘭老島南邊後轉東南偏東，喺紹德雷爾王朝（而家係密克羅尼西亞聯邦）同荷屬東印度（而家係印尼東邊嘅領土）之間嘅海峽經過，喺珊瑚海東北邊堆群島東北角後轉去東南，之後無耐轉去東南偏南，喺紐西蘭北島東北邊嘅海上經過，之後一直去到南極點為止。

嗰時菲律賓當地同大明、沙俄（而家係俄羅斯）、澳洲、紐西蘭相差咗足足一日嘅時間，即使係1521年3月16號麥哲倫到咗菲律賓都督府後喺同年4月27號俾班暴徒殺咗都係噉。

菲律賓都督府喺1565年4月27號成爲西班牙殖民地，墨西哥政府畀咗菲律賓都督府脫離西班牙政府而喺1821年獨立後，由於西屬菲律賓（而家係菲律賓）經常同大清同荷屬東印度屬下啲國家仔同周邊都有貿易往來，所以西屬菲律賓政府宣佈咗國內改時區，𨇣過1844年12月31號而到1845年元旦[2]。

西屬菲律賓嘅改時區所爲令關島、馬里亞納群島同卡露蓮娜島（而家係千禧島）都猛咁效仿，一窩蜂噉改嗮亞洲嘅時區兼同時𨇣過嗮1844年12月31號嗰日。

而且嗰時西方傳媒資訊唔發達，相關攷比較少，加上早期歐美國家都對關島、馬里亞納群島同卡露蓮娜島一窩蜂噉改嗮時區嘅所爲，都一問三不知，直到1890年代先至收到噉嘅事。

所以喺19世紀中葉到後半段，有好多西方國家冚唪唥搞錯嗮國際日期變更線嘅位置足足半個世紀有多[3]。

沙俄帝國[編輯] 1890年代西方媒體發佈嘅時區圖 沙俄通過侵略，從西伯利亞殺到北美洲西北邊之後，喺西北邊用嘅係儒略曆。

自從美國本土買咗俄屬北美（而家係美國阿拉斯加州）後先至用公曆[4]。

喺新阿查蓋爾（而家係西卡）當地迎接奧西皮號時，美方寫係公曆1867年10月18號到，當日係禮拜五；而沙俄方寫嘅係儒略曆1867年10月7號到，當日係禮拜六。

包括美國參議員查理斯·森拿（英文：CharlesSumner）去新阿查蓋爾出席演講時都將日期同時間搞到亂嗮籠。

由於嗰時美俄兩國都用緊唔同嘅日曆。

不過呢種現象隨住沙俄政府改組成蘇聯之後先至拋棄儒略曆而改用公曆為止，日期方面先至得到明確嘅界限。

薩摩亞群島同托克勞[編輯] 早期薩摩亞群島喺1884年定咗國際日期變更線嘅位置之後，一直都喺國際日期變更線西邊。

不過喺1892年馬利埃托亞皇帝上台之後，因爲成日同美國佬玩通商貿易兼接受咗美國佬嘅利益誘惑而喺同年7月4號當日修改咗時區，從UTC+13改到UTC-11。

正因為噉，薩摩亞群島試過連續兩日都喺1892年7月4號度過[5]。

呢個現象即使馬利埃托亞皇帝喺1898年死咗，及薩摩亞群島一分為二成薩摩亞同美屬薩摩亞之後都冇改過，尤其係法萊阿盧波（英文：Falealupo），經常俾全球各地笑佢做「全球最後一個日落」同「全球最後一個過新年」嘅地方。

後嚟由於澳洲同紐西蘭成爲大洋洲最大嘅貿易合作夥伴，加上薩摩亞政府爲咗同迎接呢兩個國家嘅大型群體同僑民嘅關係，直到2011年12月27號，薩摩亞政府宣佈咗改時區，從UTC-11重新摱到UTC+13入面[6]，期間總統重宣佈當地時間兩日後嘅深夜，要𨇣過2011年12月30號當日直接到達大除夕[6][7][8][9][10]。

總統之所以喺嗰日改，係因為考慮到大除夕同元旦之間係週末，加上爲咗防止打工仔做嘢太過辛苦而決定將工作日減少一日[11][7][12]。

而隔籬嘅托克勞都喺同一日借鑒咗薩摩亞改時區嘅經驗，同樣都𨇣過咗2011年12月30號當日而直接到達大除夕兼嗌國內民眾將時鐘校慢一個鐘頭[13]。

係因爲托克勞政府將國內時區從UTC-10改成UTC+13[13]。

不過美屬薩摩亞一直都冇改過時區。

東基里巴斯[編輯] 內文：基里地馬地同千禧島 基里巴斯喺英聯邦政府統治時期，由於佢喺吉爾伯特群島嘅一部份，所以被列入到國際日期變更線西邊。

而東邊嘅鳳凰群島同線島群島屬美國殖民地，所以被列入到國際日期變更線東邊。

正因爲噉，基里巴斯獨立之後，當地媒體播報國內消息時，成日出現兩個日期嘅情況。

而且當地嘅政府部門同商業組織爲咗方便成個基里巴斯嘅貿易而收聽電話同消息，重要預留四日時間做好心理準備。

不過呢個現象隨住1994年12月23號基里巴斯總統宣佈改時區而結束。

當日基里巴斯總統考慮到國內因爲喺國際日期變更線附近，加上國內橫跨東西半球，爲咗解决成日出現兩個唔同日期嘅情況而統一修改時區，改到UTC+12、UTC+13、UTC+14呢三個時區入面。

正因爲噉而出現咗UTC+14嘅新時區。

期間總統重宣佈從1994年12月30號深夜開始，𨇣過1994年12月31號當日直接到達1995年元旦[14]。

正因爲噉改，令好多紐西蘭同俄羅斯楚科奇半島一帶啲居民都唔知，而湯加同紐西蘭嘅漆咸群島都反對基里巴斯政府單方面做出噉嘅所為[15]，重有基里巴斯官方都唔想成爲21世紀第一個睇到第一縷陽光嘅地方[16]。

不過呢啲質疑隨住1999年底到大除夕期間，基里巴斯當地民眾去到千禧島搞慶祝千禧年嘅慶典而結束[17]。

瓜佳蓮[編輯] 瓜佳蓮曾經喺19世紀到20世紀初，屬西德日三國嘅殖民地，期間一直喺國際日期變更線嘅西邊。

不過瓜佳蓮喺二戰之前成爲太平洋群島託管地[註2]之後，美國軍隊喺嗰頭成立咗軍事基地。

正因爲噉，時區改到國際日期變更線東邊嘅夏威夷時間（UTC-10）一帶，不過美方噉嘅舉動令好多喺馬紹爾群島做棲息地嘅居民都唔知。

即使係1986年10月21號馬紹爾群島脫離美國政府而獨立之後都係噉。

直到1993年8月20號深夜，瓜佳蓮當地政府爲咗解決呢個歷史遺留問題而修改時區到UTC+12，重要求國內民眾將時鐘校慢兩個鐘兼𨇣過1993年8月21號當日。

不過政府𨇣過嗰日咁啱係禮拜六，政府重畀咗一個禮拜嘅適應緩衝期嚟適應新嘅時區。

喺緩衝期間，啲人嘅上班日子喺禮拜二到六，一個禮拜後隨即改返當地時間禮拜一至五開工[18]。

定義[編輯] 凡係從東邊向西過國際換日線：日期加一日 凡係從西邊向東過國際換日線：日期減一日 所謂「特殊時區」[編輯] 內文：UTC-12同UTC+12 內文：UTC+13同UTC-11 內文：UTC+14同UTC-10 國際日期變更線係一日嘅開始同結束嘅分界線，所以佢通過嘅東西12時區；東經13、西經11；及東經14、西經10，就變咗個好特殊嘅時區。

雖然話呢啲時區都係一樣時間，但就因為國際日期變更線嘅關係，東西邊就差咗成1日咁耐。

如估住喺國際日期變更線嘅西邊（例如楚科奇半島、基里巴斯、湯加、千禧島同托克勞、漆咸群島）嘅居民，就係全世界最早迎嚟新年嘅人。

而住喺國際日期變更線嘅東邊（例如阿留申群島、豪蘭島、美屬薩摩亞、夏威夷同大溪地、阿圖島）嘅居民，雖然話隔咗個海，但佢哋就要等多一日先至可以過新年。

相關書籍[編輯] 《国际日期变更线》中国少年儿童百科全书自然·环境第194页浙江教育出版社ISBN·7-5338-1946-2/G·1942 《国际日期变更线是怎么回事》少年万事通第198——199页内蒙古少年儿童出版社ISBN·7-5312-1106-8/I·225 睇埋[編輯] 對向子午線 本初子午線 註同攷[編輯] 註 ↑唔同時間嗰陣，每個時區都有變化。

↑而家係馬紹爾群島、帕勞、密克羅尼西亞聯邦、北馬里亞納群島四個國家。

攷 ↑《當心國際日期變更線偷走你的時間》，《紐約時報》中文網 ↑R.H.vanGent."AHistoryoftheInternationalDateLine".Staff.science.uu.nl.喺30December2011搵到. ↑Schedler,Joseph(1878).Anillustratedmanualfortheuseoftheterrestrialandcelestialglobes.NewYork.p. 27. ↑Alaska:...ThetransferofterritoryfromRussiatotheUnitedStates,Executivedocument125inExecutivedocumentsprintedbyorderoftheHouseofRepresentativesduringthesecondsessionofthefortiethCongress,1867–'68,vol.11,Washington:1868. ↑RoscoeLamont,"TheInternationalDateLine",PopularAstronomy:AReviewofAstronomyandAlliedSciences,29(1921),340–348[cf.pp. 344–345]. ↑6.06.1McLean,Tamara."Samoa'sdatelinejumppassesintolaw".Melbourne,Australia:AustralianAssociatedPressviatheHeraldSun.原著喺31December2011歸檔.喺11August2011搵到.Unknownparameter|deadurl=ignored(help) ↑7.07.1"SamoatoJumpForwardinTimebyOneDay".BBCNews.9May2011.原著喺31December2011歸檔.喺27November2011搵到.Unknownparameter|deadurl=ignored(help) ↑"薩摩亞改時區30日變不見".自由時報.2011-12-30. ↑"太平洋岛国萨摩亚更改时区曾是最后看见落日国".新民网.搜狐.2011-12-31. ↑『サモアが国内の標準時を変更貿易相手の豪などに近づける』互聯網檔案館嘅歸檔，歸檔日期2013年7月9號，.-共同通信社(47NEWS)2011年12月30日19時49分(JST) ↑"Where'dDayGo?".AssociatedPressviatheNewYorkPost.31December2011.原著喺31December2011歸檔.Unknownparameter|deadurl=ignored(help) ↑サモア、時間帯を日付変更線の西側に変更へAFPBBNews2011年11月13日閲覧 ↑13.013.1Tokelau:Wronglocaltimeforover100yearsTimeAndDate.com.Accessed4January2013. ↑Harris,Aimee(August1999)."DateLinePolitics".HonoluluMagazine.p. 20.原著喺2006-06-28歸檔.喺2006-06-10搵到. ↑Letts,Quentin(January25,1996)."Pacificbracesformillenniumstormovermatterofdegrees".TheTimes.喺2006-06-10搵到. ↑Kristof,NicholasD.(March23,1997)."TinyIsland'sDate-LineJoginRaceforMillennium".NewYorkTimes.喺2006-06-10搵到. ↑"2000greetedwithsong,dance".JapanTimes.AssociatedPress.January1,2000. ↑"InMarshallIslands,FridayIsFollowedbySunday".NewYorkTimes.22August1993.喺2007-09-24搵到. 由「https://zh-yue.wikipedia.org/w/index.php?title=國際換日線&oldid=1761909」收 屬於1類：經線屬於2隱類：PageswithcitationsusingunsupportedparametersWebarchive模wayback連結 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 粵語 外觀 閱改睇返紀錄 多啲 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲維基項目 維基同享 第啲話 AfrikaansالعربيةAsturianuБългарскиবাংলাBosanskiCatalàکوردیČeštinaDanskDeutschZazakiΕλληνικάEnglishEsperantoEspañolEestiEuskaraفارسیSuomiFrançaisGalegoעבריתहिन्दीFijiHindiHrvatskiKreyòlayisyenMagyarՀայերենBahasaIndonesiaÍslenskaItaliano日本語ქართულიಕನ್ನಡ한국어KurdîLatinaLietuviųLatviešuМакедонскиമലയാളംBahasaMelayuनेपालीNederlandsNorsknynorskNorskbokmålPolskiPortuguêsРусскийSicilianuSrpskohrvatski/српскохрватскиSimpleEnglishSlovenčinaСрпски/srpskiSvenskaதமிழ்తెలుగుไทยTagalogTürkçeУкраїнськаاردوTiếngViệt吴语ייִדיש中文 改拎