當「無限上網」 128Kbps 有幾痛苦 - 報價鴨

當「無限上網」 128Kbps 有幾痛苦 日期: 2020-02-07 16:02 ... 「報價鴨」小編就自爆一次， 特登用晒啲數據，以用家身份同大家分享一下睇睇係128Kbps下是否可以生存到? 資　　訊 服務計劃 關於我們 私隱政策 用戶使用條款 銷售員使用條款 聯絡我們 資訊 當「無限上網」128Kbps有幾痛苦 日期:2020-02-0716:02 申請一個手機Plan，好多時都會聽到啲SALES講「無限上網」，隨時係個過程中都講過百次，講講下就引導左你去討論個月費。

不過所謂「無限上網」係手機Plan黎講其實仲有一個好重要嘅問題要知!就係速度!無速度，「無限上網」會變為「無限等網」。

而巿面上好多標榜「無限上網」嘅Plan而月費又平過100蚊嗰啲其實絕大都有限速的，例如限速21M或者42M，如果你所謂「無限上網」係全程都有哩個速度，基本係足以應付或者睇片都應該無問題。

但如果你個所謂「無限上網」Plan係用到某個數據用量之後就會再降速到128Kbps嘅話，雖然都係「無限上網」，但真係上到?!「報價鴨」小編就自爆一次，特登用晒啲數據，以用家身份同大家分享一下睇睇係128Kbps下是否可以生存到?結果......如下: 速度測試,OFCA測速顯示下載只有0.08M,而上載更加係<0.01M 測試於元朗區,5/2/2020 睇News(NowNewsApp),等左接近10秒,都只係不停地Load! 睇Youtube,結果Load左接近10秒先見到個人樣! 上FB,結果符合預期,都係「轉轉轉」! 總括黎講，基本都係不停地都係「轉轉轉」，你除左等之外其實都無野做，  除左WhatsApp文字傳送尚可之外，其他嘅都基乎可以話用唔到或者係等好耐先開到。

而有時都唔係話你肯等就一定Load到，因為等得耐個Server有機會TimeOut你，所以你結果都係空白一片。

所以下次申請個Plan真係要留意下自已用量及諗埋128Kbps下是否生存到!唔好只著眼係「無限上網」哩4隻字。

**速度測試只係顯示該測試點嘅表現,相關數據會受其他因素影響,例如手機配置,測試時間,測試軟件等,只作參考,** 推薦閱讀 # 「全速無限」真係無限制? # 當無限上網遇上384Kbps之「Load二氧化碳」? 分享